बलात्कार अभियोगमा जेलमा रहेका पललाई सर्वोत्कृष्ट नायकको अवार्ड

टुडे वाणी,चैत २९ काठमाडौं।
बलात्कारको आरोपमा जेल परेका अभिनेता पल शाहले सर्वोत्कृष्ट नायकको अवार्ड पाएका छन् ।

नाबालिग किशोरीलाई बलात्कार गरेको आरोपमा तनहुँमा जेल भोगिरहेका अभिनेता शाहलाई सो पुरस्कार दिइएको हो ।

अर्कोतिर सर्वोत्कृष्ट नायिकाको अवार्ड पूजा शर्माले पाइन् ।
उनीहरुले ‘म यस्तो गीत गाउँछु–२’ बाट सर्वोत्कृष्ट नायक र सर्वोत्कृष्ट नायिकाको पुरस्कार पाएका हुन् ।

उक्त चलचित्रबाट सुदर्शन थापाले सर्वोत्कृष्ट निर्देशकको अवार्ड पाउन सफल भएका छन् । वर्षको उत्कृष्ट चलचित्र पनि ‘म यस्तो गीत गाउँछु–२’ नै भयो ।

चलचित्र विकास बोर्डमा सोमबार भएको एक कार्यक्रममा सर्वोत्कृष्ट नायक र नायिकाको अवार्ड प्रदान गरिएको हो ।