भोलि चौरचन पर्व चन्द्र पूजाको तयारीमा मिथिलावासी

जनकपुरधाम : मिथिला क्षेत्रमा विशेष धार्मिक तथा सांस्कृतिक महत्व बोकेको चौरचन पर्व भोलि मनाइँदैछ। पर्वका अवसरमा साँझ घरको आँगन लिपपोत गरी बनाइएको चोकमा फलफूल, नैवेद्य तथा चरवा राखेर चन्द्रमाको पूजा गर्ने परम्परा रहेको छ।

पूजामा पूरी, खिर, केरा लगायतका प्रसाद तथा विभिन्न फलफूल चन्द्रमालाई अर्पण गरिन्छ। परिवारको सुख, शान्ति र समृद्धिको कामना गर्दै महिला तथा पुरुषहरू व्रत बस्ने चलनसमेत रहेको छ।

मिथिला संस्कृति र परम्परालाई जीवन्त राख्ने महत्वपूर्ण पर्वका रूपमा चौरचनलाई विशेष श्रद्धा र आस्थाका साथ मनाउने गरिन्छ।