भारततर्फ लैजाँदै गरेको गाँजा सहित एक युवती पक्राउ

टुडेवाणी,डेस्क,जेष्ठ २३,सर्लाही:
सर्लाही जिल्लाको मलंगवास्थित खेतमा मल छर्ने बहानामा ढाकीमा लुकाएर भारततर्फ लैजाँदै गरेको गाँजा सहित एक युवती पक्राउ परेकी छन् ।

मलंगवा नगरपालिका ९बस्ने बर्ष १८ कि पम्मी कुमारी आइतबार साँझ खेतमा मल हाल्ने बहानामा ढाकीमा गाँजा राखी माथीबाट मल राखेर भारततर्फ लैजाने क्रममा पक्राउ परेकी हुन् ।

उनको साथबाट १३ किलो गाँजा बरामद गरिएको जिल्ला प्रहरी कार्यालयले जनाएको छ । भारत कट्नै लागेकी युवती गस्तीमा रहेको प्रहरी देख्नासाथ ढाकी छाडेर भागेकी थिइन् ।

प्रहरीले भागेको युवतीलाई स्थानीय धनराज साहको घरबाट पक्राउ गरी अनुसन्धान गरिरहेको जनाएको छ ।