सीताराम गौशालाले १११ मिटरको चुनरी जानकी मातालाई चढाएको

जनकपुरधाम , मंसिर ७  :जनकपुरधामको सीताराम गौशालाले १११ मिटरको चुनरी जानकी मातालाई चढाएको छ । सीताराम गौशालाद्वारा चढाइएको सो चुनरी भारतको सुरतस्थित जिनमाता ट्रष्टले उपलब्ध गराएको हो ।

रामजानकीको तिलकभन्दा पूर्व सीताराम गौशालाका अध्यक्ष मनोज रुगंटाको नेतृत्वमा बुझाइएको सो चुनरीलाई लिएर सयौँ भक्तजन जानकी मन्दिरमा पुगेका थिए । मन्दिर पुग्नु पूर्व चुनरीलाई लिएर नगर परिक्रमा गरिएको थियो । चुनरीसहित परिक्रमा भइरहेको बेला स्थानीयवासी चुनरीमाथि फूल वर्षाएका थिए ।

एकातिर जानकी माता र भगवान रामको तिलक भइरहेको छ भने अर्कोतर्फ चुनरी कार्यक्रमले विवाहपञ्चमी उत्सवकै रौनकता थपेको जानकी मन्दिरका पुजारी रामतपेश्वर दास वैष्णवले बताए ।

सीताराम गौशालाका अध्यक्ष मनोज रुगंटाकोका अनुसार गत वर्ष १०८ मिटरको चुनारी चढेको थियो भने आउने वर्षमा पनि यो भन्दा लामो चुनारी माता लाइ अर्पण गर्ने बताए l
यो संगै विवाहपाँच्मीको उत्सवलाई अझै रौनक थपिएको छ