कमला बचाउ अभियानको चौथो बार्षिकोत्सव महा कमला आरती गरि रामघाटको किनारमा मनाईयो

धनुषा, कार्तिक २२ गते । कमला बचाउ अभियानले चौथो बार्षिकोत्सव सफलता पुर्वक सप्पन्न गरेको छ । विगत चार बर्ष देखि निरन्तर कमला बचाउ अभियानले वार्षिक महोत्सव मनाउदै आएको छ तर यस बर्ष महा कमला आरती गरि कमलाको रामघाटको कमला किनारमा मनाईएको छ ।

उक्त कार्यक्रममा महागंगा आरतीका टीम द्वारा कमला आरती तथा अभियानको स्मारिका २०७९ अग्नी कुण्डका महन्थ नवलकिसोर शरणको प्रमुख आतिथ्य एवम कमला बचाउ अभियानका संयोजक बिक्रम यादव , विशिष्ट अतिथि कमला अभियानी एवम पुर्व मेयर उदय कुमार बरबरिया,मिथिला वाल्ड लाईफ ट्रष्टका अध्यक्ष देवनारायण मण्डल , कमला अभियानी सुरेन्द्र यादव बिमोचन गरि बार्षिक उत्सव सम्पन्न गरेका छन ।

कार्यक्रममा महन्थ नवलकिशोर शरणले कमला स्नान गर्ने शुभ दिनमा वली प्रदान गर्नु दुखद रहेको बताउदैँ यस किसीमको प्रथालाई बढावा दिननहुने बताए । उनले कमलाको महिमाको विषयमा समेत प्रकाश पारेका थिए ।

कार्यक्रममा हजारौं श्रद्धालु भक्तजन कमला अभियानीहरुमा बिनोद महरा,बिरेन्द्र यादव, राजकिशोर सल्हैता, श्याम कुमार महतो,समाजसेवी प्रभु दयाल जलान,हरिनारायण साह,पत्रकार अबधेस कामत,प्रमोद साह,अर्जुन मण्डल,नरेशचन्द्र बरबरिया लगायत हजारौं श्रद्धालु भक्तजनहरुको सहभागी रहेको थियो।