धनुषाको मिथिला नगरपालिका ६ मा रहेको ऋद्धिसिद्ध सहकारीको १५ औं साधारणसभा सम्पन्न।।

टुडेवाणी,संवाददाता,असोज ३०,धनुषा।
धनुषाको मिथिला नगरपालिका ६ ढल्केवरमा रहेको ऋद्धिसिद्ध बचत तथा ऋण सहकारी संस्थाको १५ औं वार्षिक साधारण सभा सम्पन्न भएको छ ।
सहकारीका अध्यक्ष राजलाल महतोको अध्यक्षता तथा मिथिला नगरपालिकाका मेयर महेन्द्र महतोको प्रमुख आथितिमा साधारणसभा सम्पन्न भएको भएको हो ।

साधारणसभा कार्यक्रममा शुभकामना मन्तव्य दिँदै मेयर महतोले नगरपालिका क्षेत्रभित्र सञ्चालनमा रहेका सहकारीहरुलाई व्यवस्थित तुल्याउन प्रयास भइरहेको बताए । नगरपालिकामा एकसयभन्दा बढी सहकारी सञ्चालनमा रहेको जानकारी गराउँदै उत्कृष्ट सेवा प्रदान गरेका सहकारीलाई पुरस्कृत गरिने र खराब काम गरेका सहकारीलाई दण्ड जरिवाना गरिने जानकारी दिए ।

कार्यक्रममा मधेश प्रदेश भूमि व्यवस्था, कृषि तथा सहकारी मन्त्रालयका सचिव नम्रता सिंहले प्रदेश सरकारको सहकारी ऐन प्रमाणीकरण भइसकेको र राजपत्राङ्कितमा प्रकाशित हुनसाथ अगामी आर्थिक वर्षदेखि सहकारी लक्षित कार्यक्रम गरिने बताइन् । उनले व्यापार व्यवसायसँगै कृषि उत्पादनका क्षेत्रमा लगानी गर्न सुझाए दिइन् ।

यसैगरी, राष्ट्रिय सहकारी बैंकका अध्यक्ष ध्रुवनारायण यादवले बचत तथा ऋण सहकारी संस्थाले आफ्ना शेयर सदस्यलाई उत्पादनसँग जोड्न पर्ने धारणा व्यक्त गरे । निर्यातभन्दा बढी आयात भइरहेकाले देशको अर्थतन्त्र कमजोर बनेको र अर्थतन्त्रमा सुधार ल्याउन कृषि उत्पादन बढाउनुको विकल्प नभएको उनले जानकारी दिए ।

वार्षिक खबौं रुपियाँको खाद्यन्य आयात भइरहेको छ । नेपालमै खाद्यन्य उत्पादन गर्न सके वार्षिक खबौं रुपियाँ जोगिने र देशको अर्थतन्त्र बलियो छ । त्यसका लागि सहकारीमा जोडिएका सदस्य र सहकारी आफै उत्पादनसँग जोडिनुपर्छ, अध्यक्ष यादवले भने ।

साधारणसभा कार्यक्रममा संस्थाको आयव्यय सहकारीका अध्यक्ष राजलाल महतोले प्रस्तुत गरेका थिए । उनले आर्थिक वर्ष २०७८÷०७९ को आयव्यय प्रस्तुत गर्दै संस्थाका कुल सदस्य संख्या दुई हजार ३३४ जना रहेको र कुल चुक्ता शेयर पुँजी दुई करोड २४ लाख नौं हजार सात सय रुपियाँ रहेको बताए । यस्तै, कुल बचतमा छ करोड ८६ लाख २५ हजार ६१५ रुपियाँ छ । यसैगर, कुल ऋण लगानीमा ११ करोड ८८ लाख ६५ हजार २२५ रुपियाँ छ ।

अध्यक्ष महतोले छरिएर रहेको पुँजीलाई संकलन गरी उत्पादनशील र व्यवसायिक क्षेत्रमा लगानी लगाएको बताए । त्यस अवसरमा संस्थाले उत्कृष्ट ऋणी र बचत गर्ने व्यक्तिहरूलाई सम्मान पनि गरेको थियो । गतिलो खबर बाट