सिरहाको लहान न.पा ८ बाट लागु औषध र नगदसहित ३ जना पक्राउ।।।

टुडेवाणी,संवाददाता,असार ६,सिरहा:

सिरहाको लाहानबाट खटिएको प्रहरी टोलीले लागु औषध सहित लहान नगरपालिका वडा नं. १ बस्ने दयाराम ठाकुरको छोरा बर्ष १८ को गौतम ठाकुर, भारत मधुवनी जिल्ला, ग्राम पंचायत खरियोग थाना पिप्राही १ बस्ने भुनेश्‍वर ठाकुरको छोरा बर्ष २७ को धर्मेन्द्र कुमार ठाकुर र भारत मधुवनी जिल्ला, पंचायत राजनगर थाना फेरण श्रीपट्टी ७ घर भई हाल लहान नगरपालिका वडा नं. ५ बस्ने फकिर मोहमदको छोरा बर्ष २१ को मोहमद अखतर लहान नगरपालिका वडा नं. ८ मा अफजतले संचालन गरेको आल्मुनियमको पसलबाट पक्राउ परेको हो ।

पक्राउ पर्नेहरुको साथबाट फेनरागन- ६४५ एम्पुल, डाईजिल्याव- ६४५ एम्पुल, व्युप्रिनोर्फिन- ६४५ एम्पुल, नाईट्राभेट- ४८० ट्याब्लेट, डाईलेक्स डि.सी.-४३९ बोतल, स्पामोप्रोक्सिभिन- ४३२ ट्याब्लेट, ज.१ प. ४७५८ नं. को मोटरसाईकल थान- १, नगद (नेपाली रुपैया) – रू ४३,५०० ।-, मोबाईल थान- ३ (तिन) बरामद भएको जिल्ला प्रहरी कार्यालय, सिरहाले जनाएको छ ।