रौतहट:ग्यास सिलिन्डर पड्किँदा एक वृद्ध महिलाको मृत्यु ।

टुडेवाणी,संवाददाता,असार ४,रौतहट : रौतहट जिल्लाको गढीमाई नगरपालिका १ समनपुरमा शनिबार बिहान भान्सा कोठामा खाना पकाइरहेको अवस्थामा ग्यास सिलिन्डर पड्किँदा एक वृद्ध महिलाको मृत्यु भएको हो।

ग्यास सिलिन्डर पडकिदा गढीमाई नगरपालिका १ समनपुर निवासी बली सहनीकी ७० वर्षीया श्रीमती जसोधिया देवीको मृत्यु भएको छ । खाना पकाइरहेको अवस्थामा ग्यास सिलिन्डर पड्किएपछि सहनीको घटनास्थलमै मृत्यु भएको स्थानीय राजु सहनीले जानकारी गराएका छन्।

घटनाको विषयमा अनुसन्धान भइरहेको जिल्ला प्रहरी कार्यालय रौतहटले जनाएको छ।