धनुषाको मिथिला नगरपालिका ढल्केवरमा एक युवकको शव फेला

टुडेवाणी,डेक्स,ढल्केवर,जेष्ठ २ गते । धनुषाको मिथिला नगरपालिकामा आज बिहान अन्दाजी २५ बर्षीय विनोद कुमार यादव झुण्डिएको अवस्थामा मृत फेलापरेका हुन् ।

ढल्केवर–जनकपुर सडकखण्ड अन्तर्गत रहेको मिथिला हार्डवेयरको पछाडी रहेको बगैचामा झुण्डिएको अवस्थामा शव फेला परेको ईलाका प्रहरी कार्यालय ढल्केवरका प्रहरी निरीक्षक रामसागर सिंहले जानकारी दिए ।

‘घटनाको प्रारम्भिक अनुसन्धानबाट प्रेम सम्बन्धको विषय बाहिर आएको छ । घटनाको थप अनुसन्धानको लागी दुईजनालाई नियन्त्रणमा लिएका छौं, प्रहरी निरीक्षक सिंहले बताए ।

युवकको शव पोस्टमार्टमका लागि जनकपुरधामस्थित प्रादेशिक अस्पताल पठाइएको र घटनाको विषयमा थप अनुसन्धान भइरहेको ईलाका प्रहरी कार्यालय ढल्केवरले जनाएको छ ।