नदीमा एक १४ वर्षीय बालक डुबेर बेपत्ता

सिरहा,२६ साउन: सिरहा र सप्तरीको सीमा भएर बग्ने बलान नदीमा एक १४ वर्षीय बालक डुबेर बेपत्ता भएका छन्।

बेपत्ता हुनेमा सिरहाको सखुवानन्कारकटी गाउँपालिका–३ बरियारपुर निवासी शिव कुमार यादवका छोरा घनश्याम यादव रहेका छन्। आज बिहान करिब १० बजे स्थानीय उत्सवको लागि भगवानपुर गाउँपालिका–१ स्थित बलान खोलामा जल भर्न गएका बेला उनी नदीमा डुबेर हराएका हुन्।

सिरहा जिल्ला प्रहरी कार्यालयका प्रवक्ता डिएसपी विरेन्द्रकुमार पासवानका अनुसार नेपाल प्रहरी र सशस्त्र प्रहरीले बालकको खोजी कार्य जारी राखेका छन्।