किसानहरु लाई रोपाइँको मुखमा मलको हाहाकार

टुडेवाणी,संवाददाता,जेष्ठ ३०,धनुषा:
तराई मधेस क्षेत्रमा धान रोपाइँ सुरु भइसकेको छ । कतिपय किसान रोपाइँको तयारीमा जुटेका छन् ।तर किसानहरु यतिबेला रासायनिक मलका लागि भने भौंतारिरहेका छन् ।

उनीहरू मल खोज्दै कृषि सामग्री कम्पनी लिमिटेड सम्म पुग्न थालेका छन् ।

उखु खेती देखी गहुँ खेतीका बेला पनि रासायनिक मल नपाएका किसानहरु धान रोपाइँका बेला पनि भौंतारिरहेका छन् ।

भारतबाट पनि सहजै रूपमा मल ल्याउन नपाएपछि उनीहरू झनै मार्कामा परेका छन् । एकातर्फ सरकारले मल उपलब्ध गराउन नसक्ने र अर्कोतर्फ भारतबाट पनि मल ल्याउन नदिँदा किसानहरू आक्रोशित बनेका छन् ।