रौतहट प्रमुख अधिकारी शाहीले विवादका कारण जिल्लाको पाँच ठाउँमा मतदान स्थगित

[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]

दिपेश कुमार शाह /रौतहट /३०गते

रौतहटको पाँच ठाउँमा मतदान स्थगित भएका छन । रौतहट जिल्लाका प्रमुख जिल्ला अधिकारी कृष्णबहादुर शाहीले विवादका कारण जिल्लाको पाँच ठाउँमा मतदान स्थगित भएको र सबै ठाउँमा विवाद सल्टाउने तयारी भइरहेको बताएका छन्।

फतुवा विजयपुर नगरपालिका ७ मा प्राथमिक स्वास्थ्य केन्द्रमा रहेको मतदान केन्द्रमा विवादका कारण मतदान स्थगित भएको छ। यसैगरी गढीमाई नगरपालिकाको वडा नम्बर ३ र ६ मा उग्र विवादपछि भएको झडपका कारण स्थगित मतदान अझै सुचारु हुन सकेको छैन।

पुनः मतदानको लागि सहमतिको प्रयास भइरहेको गढीमाई नगरपालिकाका निर्वाचन अधिकृत रामानन्द प्रसाद अधिकारीले जनाएका छन्। यसैगरी यमुनामाई १ मा पनि विवादका कारण मतदान स्थगित भएको छ।

रौतहटकै बौद्धिमाई नगरपालिका २ इनरबारीमा पनि मतदान स्थगित भएको छ। जिल्लाको अन्य ठाउँमा पनि मतदानको क्रममा सामान्य विवाद र तनाव हुँदै मतदान भइरहेको छ। अहिलेसम्म जिल्लामा करिब ४५ प्रतिशत मतदान भइसकेको स्रोतको दाबी छ।