जनकपुरधाममा एकै समारोहमा ३५ जोडीको विवाह सुसम्पन्न

धनुषा ,मंसिर ११ : जनकपुरधाममा एकै समारोहमा ३५ जोडीको विवाह सुसम्पन्न भएको छ । जनकपुरधामलाई वैवाहिक गन्तब्यका रुपमा विकास र प्रचार प्रसार गर्न विवाह पञ्चमीको अवसरमा बिश्व हिन्दु परिषद नेपालद्वारा प्रत्येक वर्ष आयोजना हुन थालेको सामुहिक विवाह समारोहमा यस वर्ष पनि ३५ युवायुवतीको जोडीको विवाह भएको छ ।

जनकपुरधाम स्थित मणि मण्डपमा सामुहिक विवाह कार्यक्रम सम्पन गरिएको छ l त्रेता युगमा मणि मण्डपमा भगवान राम र माता जानकीको विवाहका लागि मारवा बनाएको स्थान रहेको पौराणिक मान्यता रहदै आएको हुनाले यसै स्थानमा सामुह विवाह आयोजना गरिएको जनकपुरधाम उपमहानगरपालिका-१३ का वाद अध्यक्ष जित बहादुर राउतले बताउनु भयो ।

विगत सात वर्ष देखि भइरहेको सामुहिक विवाहको उद्देश्य जनकपुरधामलाई बिश्वकै उत्कृष्ट वैवाहिक गन्तब्यको रुपमा पर्यटनको विकास, दहेज उन्मुलन सहितको रहेको आयोजकको भनाई छ ।

जनकपुरधामको हुनेखाने स्थानियहरुसंग सहयोग संकलन गरि मिथिलाको विवाहमा बेहुलीलाई उपहार स्वरुप दिइने मंगलसुत्र, बिछाओन, लत्ताकपडा सहितको व्यवस्थापन आयोजकले नै गर्ने गरेको छ । यस्ले गरिव विपन्नहरुको पनि विवाह धार्मिक, समाजिक र प्रतिष्ठित रुपमा हुने आयोजकको भनाई छ । विवाहका लागि योग्य उमेर पुगेकालाई विवाह गराइने यस कार्यक्रमले समाजिक भाइचारामा पनि विकास हुने बताइएको छ ।