सिरहामा अपहरणमा परेका किशोरको हत्या

सिरहा ,आशिन ७ । गोलबजार नगरपालिका–१३ भेल्हा डंगराहाका १५ वर्षीय अभिषेक सिंह मृत फेला परेका छन् । अभिषेक, संजय सिंहका छोरा, आइतबार राति बेपत्ता भएका थिए भने मंगलबार बिहान घर नजिकैको आँप बगैंचामा उनको शव भेटिएको जिल्ला प्रहरी कार्यालय सिरहाले पुष्टि गरेको छ ।

प्रहरी निरीक्षक धर्मेशकुमार यादवका अनुसार घटनाको अनुसन्धान सुरु भएको छ र डग टोली समेत परिचालनको तयारी गरिएको छ ।

परिवारका भनाइअनुसार अभिषेक आइतबार राति करिब ८ बजेतिर हराएका थिए । रातभरि खोजी गर्दा पनि फेला नपरेपछि सोमबार बिहान ८ बजेतिर आमाको मोबाइलमा अपहरण भएको र पाँच करोड रुपैयाँ फिरौती मागिएको संदेश आएको थियो । त्यसपछि परिवारले तत्कालतः प्रहरीलाई खबर गरेको थियो ।

हिन्दी भाषामा पठाइएको सो सन्देशमा अपहरणकारीले रकम नदिए हत्या गर्ने धम्की दिएका थिए । सन्देशमा २५ गतेभित्र पैसा दिनुपर्ने र प्रहरीलाई जानकारी गराएमा ज्यान मार्ने चेतावनी समेत दिइएको थियो । अपहरणकारीले आफूहरू बिहारबाट भएको दाबी गरे

का थिए ।