सिराहा,०१ फागुन । सिराहाको लहान नगरपालिका-२१ माधोपुरमा हिजो राति भीषण आगलागी हुँदा लाखौंको क्षति भएको छ। स्थानीय कपले यादव र पवन यादवको घरमा अचानक लागेको आगोले सम्पूर्ण घर जलेर नष्ट हुनुका साथै भित्र रहेका भैंसी, मोटरसाइकल र अन्य सम्पत्ति खरानी बनेका छन्।
पीडित परिवारका अनुसार आगलागीबाट लाखौं रुपैयाँ बराबरको क्षति भएको अनुमान गरिएको छ। स्थानीय बासिन्दा तथा सुरक्षाकर्मीको सहयोगमा आगो नियन्त्रणमा लिइएको भए पनि आगलागीको कारण अझै खुलेको छैन। प्रहरी प्रशासनले घटनाको विस्तृत अनुसन्धान गरिरहेको जनाएको छ।
स्थानीय बासिन्दाले पीडित परिवारलाई आवश्यक राहत तथा सहयोग उपलब्ध गराउन सम्बन्धित निकायसँग आग्रह गरेका छन्।
