सिरहामा विङ्गरको ठक्करबाट मोटरसाइकल चालकको मृत्यु , एक युवती घाइते

सिरहा, कार्तिक १५ गते ।  सिरहामा विङ्गरको ठक्करबाट एकजनाको मृत्यु भएको छ । सिरहा जिल्लाको धनगढीमाई नगरपालिका–७ मा सोमबार विङ्गरको ठक्‍करबाट मोटरसाइकल चालकको मृत्यु भएको छ भने एक युवती घाइते भएकी छिन् ।

मोटरसाइकल चालक गोलबजार नगरपालिका–१२ बस्ने २२ वर्षीय अमरेश कुमार मण्डलको मृत्यु भएको हो । उपचारको क्रममा कसहा हेल्थ केयर सिरहामा उनको मृत्यु भएको हो ।

यस्तै, घाइते भएकी मोटरसाइकलमा पछाडि सवार १८ वर्षीय पार्वती देवी मण्डलको मेट्रो हेल्थ केयरमा उपचार भइरहेको प्रहरीले जनाएको छ ।

प्रदेश २–०१–००१ प ३९ ८२ नम्बरको मोटरसाइकललाई बा २१ च ५८४४ नम्बरको विङ्गरले सोमबार साँझ सवा ६ बजे ठक्‍कर दिएको थियो ।