आज छठ पर्वको मुख्य दिन अस्ताउँदो सूर्यलाई अर्घ दिइयो

सिरहा, कार्तिक १३ गते ।  छठको मुख्य दिन आज अस्ताउँदो सूर्यलाई अर्घ दिइएको छ । नदी, पोखरी, तलाउलगायतका जलाशय घाटमा रहेका ब्रतालुले आज साँझ अस्ताउँदो सूर्यलाई अर्घ दिएका हुन् ।

निर्जल र निराहार ब्रत बसेका उनीहरुले अस्ताउँदो सूर्यलाई अर्घ दिएका हुन् ।

अर्घ दिँदै गर्दा उनीहरुले सूर्यलाई आफ्नो मनोकांक्षा सुनाउँछन् र पूरा गरिदिन आग्रह गर्छन् । यस दिनलार्ई ‘सौँझकाअरक’ पनि भनिन्छ ।

भोलि बिहान उदाउँदो सूर्यलाई अर्घ दिएपछि छठ पर्व विधिवत् सम्पन्न हुनेछ ।