बढ्यो चुनावी सरगर्मी

टुडेवाणी,डेस्क,बैशाख १८,धनुषा:
अगामी बैशाख ३० गते हुने स्थानीय तहको निर्वाचन को लागि उम्मेदवारको अन्तिम नामावली प्रकाशन र चुनाव चिह्न प्रदानसँगै चुनावी माहोल थप गर्माएको छ । १२ दिनपछि मतदान छ,दलहरू प्रचार-प्रसारलाइ तिव्र पारेका छन् । उम्मेदवारहरु गाउँ गाउँमा आफ्ना मतदातासामु पुगिरहेका छन् ।

दुई दिन मौन अवधि रहने भएकाले चुनावी प्रचारका लागि दलहरुसँग अब १० दिनमात्र बाँकी छन् । यो बीचमा प्रचार प्रसारलाई अझ तीव्र पार्ने दलहरूले जनाएका छन् । सत्ता साझेदार दलको गठबन्धनले शनिबारदेखि जिल्लाभर चुनावी अभियान थालेको छ । मनोनयन फिर्ताको अवधि अघिसम्म अलमलमा देखिएको गठबन्धन एकढिक्का भएर प्रचार प्रसारमा लागेको छन् ।

आ–आफ्नै हिसाबले प्रचार प्रसारमा लागेका दल र उम्मेदवारले आजदेखि चुनावी अभियानलाई व्यवस्थित बनाउन लागेका हुन् । यसका लागि उनीहरुले मतदाता फकाउन भेला, सभादेखि घरदैलो अभियानमा केन्द्रित छन् ।