बाघको आक्रमणबाट १ जनाको गयो ज्यान

टुडे वाणी,चैत २९ वीरगन्ज।
बाघको आक्रमणमा परी बारामा एक युवकको मृत्यु भएको छ । मृत्यु हुनेमा बारा जितपुर सिमारा उपमहानगरपालिका १६ टागियाबस्ती टोल बस्ने ३१ वर्षका सुरेस मगरको मृत्यु भएको हो ।

कोल्हवी नगरपालिका – २ तामागढी साझेदारी वनमा घाँस काट्न गएका उनि बाघको आक्रमणमा परी घाइते भएका थिए ।

घाइते भएका मगरलाई उपचारको लागि अस्पतालतर्फ ल्याउने क्रममा बाटोमा नै मृत्यु भएको बाराका प्रहरी प्रवक्ता एवं प्रहरी नायब उपरीक्षक राजेश थापाले जानकारी दिए ।

मृतक मगरको शवलाई पोष्टममार्टमको लागि प्रादेशिक अस्पताल कलैयामा राखिएको थापाले बताए ।