चीनले सीमासम्बन्धी नयाँ कानुन ल्याएपछि भारतद्वारा सीमामा क्रुज मिसाइल तैनाथ

एजेन्सी । भारत र चीनबीच सीमा विवाद र झगडा हुुँदै आएको छ । तैपनि दुई देशबीचमा सीमासम्बन्धी समस्या सुल्झिएको छैन । यसैबीच हालसालै चीनले सीमासम्बन्धी नयाँ कानुन ल्याएपछि विवादले नयाँ रुप लिएको छ ।

अहिले चीनसँग सीमा जोडिएका क्षेत्रमा भारतले क्रुज मिसाइल तैनाथ गरेको समाचार बाहिर आएको छ । भारतले अरुणाचल प्रदेशमा चीनसँग सीमा जोडिएको क्षेत्रमा क्रुज मिसाइलका साथै होवित्जर तोप पनि तैनाथ गरेको समाचार एजेन्सी एएफपीले जनाएको छ । एजेन्सीका एएफपीका अनुसार यो क्षेत्रमा अमेरिकामा बनेको चिनुक हेलिकोप्टर र इजराइलमा बनेका ड्रोनहरु तैनाथका साथ राखिएको छ ।सीमा विषयमा विभिन्न चरणगत वार्ता भए पनि दुई देशबीच ठोस वार्ता हुन सकेको छैन ।