तरुण दलको ६८ ओं स्थापना दिवस मनाए

जनकपुरधाम, कार्तिक ११ गते

नेपाली कांग्रेसको भातृसंगठन नेपाल तरुण दलले विभिन्न कार्यक्रम गरी देश भरी नै ६८ ओं स्थापना दिवस मनाइरहेका छन् । नेपाल तरुण दल धनुषाले ६८ औं स्थापना दिवसको अवसरमा आज कपडा वितरण गरेको गरेको छ । तरुण दल धनुषाले जनकपुरधाम उपमहानगरपालिका वडा नं ७ स्थित जमिरिया देवी कुष्ठ रोगी आश्रममा लत्ता कपडा वितरण गरेको हो ।

दिपावली तथा छठ पर्वको शुभकामना दिदै पर्वको मध्य नजर राख्दै आश्रममा रहेका सबैंलाई नयाँ कपडा दिएका हुन । तरुण दलका संजय कर्णको अध्यक्षतामा आयोजित कार्यक्रममा तरुण दल धनुषाका महिला सभापति तुल्सा आचार्य, नेविसंघका सभापति सुजित यादव लगायतको उपस्थिति रहेको थियो । कार्यक्रमको संचालन नेपाल तरुण दल धनुषाका उपसभापति राकेश विक्रम साहले गरेको थियो ।