किसानलाई क्षतिपूर्ती देऊ : पूर्व मन्त्री अरगरिया

टुडेवाणी,कार्तिक ५ गते। 

जनकपुरधाम । पूर्व मन्त्री उमाशंकर अरगरियाले पछिल्लो दुई दिनको लगातारको बर्षाले किसानलाई पु¥याएको क्षतिप्रति चिन्ता व्यक्त गरेका छन् । उनले किसानलाई क्षतिपूर्ती उपलब्ध गराउन माग गरेका छन् ।

मुश्लिम धर्मका गुरु मोहम्द पैगम्बरको जन्म दिनको अवसरमा जनकपुरधाममा आयोजित कार्यक्रमलाई सम्बोधन गर्दै लोकतान्त्रिक समाजवादी पार्टी (लोसपा) का नेता अरगरियाले प्रदेश र संघीय सरकारसँग किसानलाई क्षतिपूर्ती उपलब्ध गराउन माग गरे ।

‘किसानको ठूलो क्षति भएको छ । ती सबैलाई क्षतिपूर्ती दिदैं मृतकका परिवारलाई समेत क्षतिपूर्ती उपलब्ध गराउन माग गर्छु’ उनले भने ।

प्रतिनिधी सभा सदस्य समेत रहेका अरगरियाले समाजमा सद्भाव र भाइचारा कायम गर्दै सबैलाई अघि बढ्नुपर्नेमा जोड् दिए ।