गुन्डागर्दी गर्ने सिके राउतका कार्यकर्तालाई कडा कारवाही गर्न पूर्व राज्य मन्त्री सराेज सिंहकाे मांग

टुडेवाणी,

प्रदेश २ को पुर्व आन्तरिक मामिला तथा कानुन राज्य मन्त्री सरोज सिंह कुशवाहाले डा. सिके राउत नेतृत्वको जनमत पार्टीका कार्यकर्ता गुन्डागर्दी गरेकाेभन्दै कारवाही गर्न सम्बन्धीत पक्ष समक्ष मांग गरेका छन् ।

सिके राउतको व्यक्तिगत स्वार्थका लागि कार्यकर्ता परिचालन गरी खानेपानी तथा ढल व्यवस्थापन कार्यालयका प्रमुख राजेश्वर कुशवाहामाथि अमानव्य गतिविधि गरेको भन्दै संलग्न व्यक्तिहरुलाई कानून बमोजिम कारवाही गर्न मांग गरेका हुन् ।

सिके राउत नेतृत्वको जनमत पार्टीको निन्दनीय घटना रहेको भन्दै गर्दै पूर्व राज्यमन्त्री कुशवाहाले भने कानुनी उपचार खोज्नुकाे साटा आफै न्यायाधीश बन्न खाेजेकाे बताए ।यदि खानेपानीको इन्जिनियर साच्चिकै दोषी हो भने सम्बन्धीत निकायद्धारा कारवाही गर्न लगाउनु पर्छ न कि गुन्डा बनेर कसैकाे इजतमाथि खेलबार गर्नुपर्छ ।

समूह बनाई यसरी कारबाही गर्ने अधिकार सिके राउत वा कुनै पार्टीको कार्यकर्ताको छैन ।विगतका दिनमा तराई मधेसमा विभिन्न जनतान्त्रिक संगठन तथा माओवादीले पनि यसरी कानून हातमा लिएर उपद्रो मच्चाएको थिएन् ।

तर सिके राउतले मधेसको नाममा मधेसीलाई नै निशाना बनाई कानून हातमा लिएको पूर्वमन्त्री कुशवाहाको ठहर छ ।खानेपानी प्रमुखलाई गैरकानूनी कार्य गरेको भन्दै धनुषा प्रहरीले ६०भन्दा बढीजनालाई पक्राउ गरेको छ । उनीहरुलाई कानून बमोजिम कारवाही नगरीए कडा आन्दोलनमा उत्रने समेत चेतावनी दिएका छन् ।