नागा चैतन्यसँगको सम्बन्ध बिच्छेद पछि चम्किदै सामान्थाको भाग्य !

टुडेवाणी डेस्क, काठमाडौँ : दक्षिण भारतीय फिल्मकी सर्वाधिक लोकप्रिय अभिनेत्रीमा पर्ने रश्मिका मन्दानाले फोर्ब्सको सूचीमा आफ्नो स्थान सुरक्षित गरेकी छन् । यो सूची अनुसार रश्मिका दक्षिण भारतकी लोकप्रिय अभिनेत्री बनेकी छन् ।

उनले दक्षिण भारतकी अर्की लोकप्रिय अभिनेत्री सामन्था रुथ प्रभुलाई पछाडि पारेकी छन् । फोर्ब्सले इन्स्टाग्राममा दक्षिण भारतको सर्वाधिक प्रभावशाली ३० सेलिब्रेटीको सूची सार्वजनिक गरेको थियो ।

यो सूची तयार पार्नका लागि फोर्ब्सले सेलिब्रेटीको इन्स्टाग्राम प्रोफाइलमा मिल्ने लाइक, कमेन्ट, इन्गेजमेन्ट रेट, औसत भिडियो भ्यूज र फलोअर्सको संख्यालाई आधार बनाएको थियो । कोरुज स्कोरले यी मापदण्डका आधारमा हरेक सेलिब्रेटीलाई १० बाट अंक दिएको थियो ।

जसमा रश्मिकाले ९ दशमलब ८८ अंक पाएकी थिइन । फिल्म ‘अर्जुन रेड्डी’ फेम अभिनेता विजय देवरकोण्डा ९ दशमलब ६७ अंकका साथ दोस्रो स्थानमा, ‘केजीएफ’ फेम अभिनेता यश ९ दशमलब ५४ अंकका साथ तेस्रो स्थानमा र ‘द फेमिली मेन २’ अभिनेत्री सामन्था रुथ प्रभु ९ दशमलब ४९ अंकका साथ चौथो स्थानमा र अभिनेता अल्लु अर्जुन ९ दशमलब ४६ अंकसहित पाँचौं स्थानमा छन् ।

फोर्ब्सले यो सूची तेलुगु, तमिल, मलयालम र कन्नड फिल्को सेलिब्रेटीलाई मिलाएर तयार पारेको हो । यसमा ३० सेप्टेम्बरसम्म सामाजिक सञ्जालमा रहेको पोस्टलाई सहभागी गराइएको छ ।