शाहरुखका छोरा आर्यनलाई ठूलो झटका, नछुट्ने भयो

बलिउड अभिनेता शाहरुख खानका छोरा आर्यन खान नछुट्ने भएका छन् ।

क्रुज ड्रग्स पार्टी केसका आरोपीत आर्यन् खानको जमानत याचिका फेरि खारेज भएको छ । मुम्बईको विशेष एनडीपीएस अदालतले आर्यनसमेत अरबाज मर्चेन्ट र मुनमुन धमिचालाई जमानत दिन अस्वीकार गरेको छ ।

तीनै जनालाई अहिलेको लागि जेलमा नै रहनु पर्ने भएको छ । आर्यनका वकिलले अब यस बम्बई उच्च अदालतको शरण लिनेछन्। २ अक्टोबरमा पक्राउ परेका आर्यन ८ अक्टोबरदेखि मुम्बईको आर्थर रोड जेलमा छन् ।

मंगलबार मुम्बईस्थित एनडीपीसी कोर्टमा भएको सुनुवाइमा जमानत याचिका खारेज गरिएको हो । आर्यनसँगै उनका साथीहरू अरबाज मर्चेन्ट र मुनमुन धमेचाको पनि जमानत रद्द भएको हो ।

एनसीबीको टोलीले मुम्बईबाट गोवा जाँदै गरेको क्रूज जहाजमा छापा मारेको थियो । उक्त पार्टीमा बलिउड सुपरस्टार शाहरुख खानका छोरा आर्यन खान पनि उपस्थित थिए। एनसीबीले आर्यन खानसहित ७ जनालाई हिरासतमा लिएको थियो र उनीहरुलाई घन्टौंसम्म सोधपुछ गरेको थियो।

आर्यन खान बिरुद्ध एनडीपीएस ऐनको धारा ८ (ग), २० (ख), २७ २८, २९ र ३५ अन्तर्गत मुद्दा दर्ता गरिएको छ। एनसीबीले यस मामिलामा अहिलेसम्म २० जनालाई पक्राउ गरेको छ।

अब शाहरुखका वकिलले आर्यनको जमानतका लागि हाई कोर्टमा अपिल गर्ने तयारी गरेका छन् । यस अगाडि पनि गत ७ अक्टोबरमा आर्यनको जमानतको अपिल मुम्बईस्थित किला कोर्टले खारेज गरेको थियो ।