सर्लाहीमा इँट्टाको चाङले थिच्दा ३ मजदुरको मृत्यु, २ घाइते

जनकपुरधाम :सर्लाहीको हरिपुर नगरपालिका–५ मजुर्वास्थित कृष्ण इँट्टा उद्योगमा इँट्टा निकाल्ने क्रममा चाङ भत्किँदा एक भारतीय नागरिकसहित तीन जनाको मृत्यु भएको छ भने दुई जना घाइते भएका छन्।

मृत्यु हुनेमा भारत लखिमपुरका ३५ वर्षीय अङ्गद कुमार, गोडैता नगरपालिका–७ रामवनका ५० वर्षीय फिताइ मन्सुर र गोडैता नगरपालिका–९ का ३५ वर्षीय शम्भु राउत रहेका छन्।

घटनामा घाइते भएका मलङ्गवा–७ का तुलसी महतो र सत्यनारायण महतोको उपचार भइरहेको प्रहरीले जनाएको छ।