दाङबाट जाजरकोटतर्फ जाँदै गरेको ट्रक सुर्खेतको गुर्भाकोटमा दुर्घटना।

टुडेवाणी,संवाददाता,असार ४,दाङ:
दाङबाट सिमेन्ट र सरिया लोड गरि जाजरकोटतर्फ जाँदै गरेको ट्रक सुर्खेतको गुर्भाकोटमा दुर्घटनामा परेको छ।

गुर्भाकोट नगरपालिका-९ भालुखोला चौपारी डाँडा नजिक शनिबार बिहान पाँच बजेको समयमा ना. ४ ख. ९७६१ नम्बरको ट्रक दुर्घटनामा परेको हो। प्रहरीका अनुसार अनियन्त्रित भएर ट्रक ५० मिटर तल सालको रूखमा ठोक्किएको छ।

उक्त ट्रक मुनि २ जना मानिस च्यापिएको प्रहरीले जनाएको छ। उनीहरू गाडीका चालक-सहचालक हुन् वा अरु कोही हुन् भन्ने खुल्न बाँकी छ।