वैैशाखमा विवाहको साइत १७ दिन, चुनावकै दिन बिहे गर्न मिल्ने!

देशैभरि राजनीतिक दलका कार्यकर्ताहरु उम्मेद्वार बन्न दौडधूप गरिरहेका बेला समाजमा बिहेको बाजा धूमधामसँग बजिरहेको छ। वैशाख ६ देखि १० गतेसम्म पाँच दिन लगातार बिहेको साइत जुरेका कारण धेरै जोडीले बिहे भ्याएका छन्।

तोयानाथ पाञ्चाङ्ग पात्रोअनुसार वैशाख महिनामा १७ दिनसम्म बिहेको साइत जुरेको छ। वैशाख २ र ४ गते बिहेको साइत जुरेको थियो भने ६ देखि १० गतेसम्म लगातार साइत जुरेको थियो।

पञ्चाङ्ग अनुसार अब वैशाख १४ गते बिहेको शुभ मुहूर्त छ। त्यसपछि १९, २० र २१ गते लगातार तीन दिन बिहेको साइत जुर्छ। वैशाख २६ देखि वैशाख ३१ गतेसम्म लगातार ६ दिन बिहेको साइत जुर्ने उल्लेख छ।

यही वैशाख ३० गते स्थानीय तहको चुनाव हुँदै छ। चुनाव हुने दिनसमेत बिहेको साइत परेको छ। चुनावको भोलिपल्ट वैशाख ३१ गते पनि साइत जुरेको छ।

जेठ महिनामा ११ दिन बिहेको साइत जुरेको छ। असारमा ५ दिन साइत जुरेको छ। त्यसपछि एकैचोटि मंसिर ११ गतेदेखि मात्र बिहेको साइत जुर्छ।

स्थानीय तहको निर्वाचन सकिनासाथ जेठ २, ३, ५ र ६ गते बिहेको साइत जुर्छ। जेठ ११, १७, २२, २३, २५, २६ र ३१ गते पनि साइत जुरेको छ। जेठपछि मंसिरमा बिहेको मौसम सुरु हुन्छ। तर, मंसिरमा ८ दिनमात्रै बिहेको साइत जुरेको छ। मंसिरपछि माघमा ७ दिन अनि फागुनमा ९ दिन बिहेको शुभ मुहूर्त रहेको पञ्चाङ्ग पात्रोमा उल्लेख छ।